Maxfiylik siyosati

Shaxsiy ma'lumotlarga ehtiyotkor munosabat

Qaysi ma'lumotlar nima uchun olinishi va ulardan qanday foydalanilishi haqida qisqacha tushuntirish.

Ro'yxatdan o'tishda kiritilgan ism-familiya, aloqa va identifikatsiya ma'lumotlari hisobni yaratish, foydalanuvchini aniqlash, sertifikat va boshqa rasmiy hujjatlarni to'g'ri rasmiylashtirish uchun ishlatiladi. Platforma ma'lumotlarni faqat xizmatni ko'rsatish, xavfsizlikni ta'minlash va qonuniy majburiyatlarni bajarish doirasida qayta ishlaydi. Foydalanuvchining maxfiy ma'lumotlari ruxsatsiz ommaga e'lon qilinmasligi kerak. Parol hech qachon administrator yoki Support xodimiga yuborilmasligi kerak.

Ochiq profil va portfolio

Portfolio ochiq bo'lsa (sukut bo'yicha shunday), uning sahifasi ezgu.uz/ism-familiya manzilida hammaga ko'rinadi, kirish talab qilinmaydi. Unda ism-familiya, profil rasmi, daraja, ezgulik soatlari, qatnashilgan loyihalar, hujjat va medallar hamda foydalanuvchi o'zi ommaviy deb belgilagan maydonlar ko'rsatiladi.

Ommaviy ma'lumot

Ochiq portfolio internetdagi boshqa ochiq sahifalar kabi qidiruv tizimlari (Google va boshqalar) tomonidan topilishi, sun'iy intellekt yordamchilari tomonidan o'qilib, so'ralganda qisqacha aytib berilishi mumkin.

Hech qachon ochilmaydi

Parol, pasport ma'lumotlari va aniq yashash manzili. Telefon, email va tug'ilgan sana faqat siz alohida ommaviy qilsangiz ko'rinadi.

Nazorat sizda

Profil → Sozlamalar bo'limida portfolioni yopishingiz yoki yutuqlarni yashirishingiz mumkin. Yopilgan sahifa saytdan darhol olinadi; qidiruv tizimlari nusxasi yangilanishi uchun biroz vaqt ketadi.