YOSHLAR UCHUN IJTIMOIY TARMOQLAR FOYDALI

YOSHLAR UCHUN IJTIMOIY TARMOQLAR FOYDALI Andijon davlat universitetida Oltin qanot volontyorlar akademiyasi hamda Huquq-iqtisod fakulteti talaba qizlar koordinatori M. Mahkamova bilan hamkorlikda “Yoshlar uchun ijtimoiy tarmoqlar foydali” mavzusida debat tashkil etiladi. Bugungi kunda ijtimoiy tarmoqlar yoshlarning kundalik hayotida muhim o‘rin egallab, bilim olish, yangiliklardan xabardor bo‘lish va o‘zaro tajriba almashish uchun keng imkoniyatlar yaratmoqda. Shu bilan birga, ulardan to‘g‘ri foydalanish va axborotlarni tanqidiy tahlil qilish ham muhim ahamiyatga ega. Debat davomida ishtirokchilar ijtimoiy tarmoqlarning yoshlar hayotiga ta’siri, ta’lim va shaxsiy rivojlanishdagi o‘rni, shuningdek, ulardan foydalanishning ijobiy va salbiy jihatlari yuzasidan fikr almashadilar. Mazkur bahs-munozara talabalarning mustaqil fikrlashi, o‘z nuqtayi nazarini dalillar bilan himoya qilishi va muloqot madaniyatini rivojlantirishga xizmat qiladi. Sana: 21-oktabr Vaqt: 13:00 Manzil: ARM, 301-xona Barcha talabalarni mazkur debatda faol ishtirok etishga, o‘z fikr-mulohazalarini bildirishga va mazmunli bahs-munozarada qatnashishga taklif etamiz! Kimyo va biologiya fakulteti matbuot xizmati Telegram | Instagram